HERRI MUGIMENDUARENTZAKO
FORMAZIO IKASTAROAK
Hurrengo orrialdeetan
Herria Mugi! Ekimenean biltzen diren zazpi hezkuntza eskolek garatu
duten herri mugimenduarentzako formazio ikastaroen eskaintza aurkituko
duzue.
Ikastaro guztiak
herri mugimenduko taldeei zuzenduta daude, eta guztiek taldeetako partaideen
formazioa areagotzea dute xede.
2002-2003 ikasturterako
eskaintza AEK, Askagintza eta Izadia, Zirrilda, Kattamixar Urtxintxa,
Ibainet, IPES Bizkaia eta Andrea eskolek prestatu dute elkarlanean.
Hauetako edozein
formazio modulurekin interesik baduzue dagokion eskolarekin harremanetan
jarri besterik ez duzue. Bertan, jaso nahi duzuen ikastaroaren inguruko
informazio zabalagoa eskainiko zaizue. Aipatu nahi dugu, baita ere,
ikastaroak taldeen beharretara moldagarriak direla, hau da, edukiak
zein bestelako baldintzak egokitzeko aukera izango dela.
JOXEMI ZUMALABE
FUNDAZIOAk herri mugimenduaren taldeetako partaideen formazioa sustatzeko
helburuz ikastaroaren prezioaren %50a bere gain hartuko du. Diru laguntza
nola bideratu, eskolarekin ikastaroa hitzartzean jakinaraziko zaizue.
Gogoan izan Joxemi
Zumalabe Fundazioan eta ekimenaren barruko eskoletan zuen zalantzak
argitzeko eta matrikulazioa bideratzeko zain gauzkazuela.
JOXEMI ZUMALABE
FUNDAZIOA
Ametzagaña 19, behea
20012 Donostia
Tlf: 943275561
Posta elektronikoa: joxemi@joxemi.org
