JOXEMI ZUMALABE FUNDAZIOAren helburu orokorra herri eta gizarte mugimendua eragitea, bultzatzea eta aholkatzea da. Honez gain, helburu espezifikotzat ditu honakoak:

• Herri mugimenduari beharrezkoa duen zerbitzu-azpiegitura eskaini, ez haren eguneroko lanerako, haren funtzionamendua hobetzeko baizik. Zerbitzu horien artean honakoak daude: euskarri informatikoak, lege aholkularitza, diru-laguntzen kudeaketarako bideak, eta herri mugimenduak bere kasa eskuraezina duen beste edozein zerbitzu.
• Herri mugimenduarekin interesa dutenen formazioa lagundu, pertsona hauen ezagupen eta gaitasunak areagotzeko era guztietako ikastaro, mintegia, topaketa, etab. antolatuz.
• Mugimenduen arteko komunikazio esparruak garatu.
• Herri mugimenduaren arloan ikerketa bultzatu, horretarako bekak eta era guztietako laguntzak emanez nahiz bestelako entitateekin elkarlanean arituz.
• Fundazioaren helburuekin zerikusia duen edozein argitalpen mota -aldizkakoa izan edo ez- argitaratu eta banatu, ikusentzunezko eta informatika arloko materiala barne.
• Ofizialak ez diren komunikazio eta informazio bide alternatiboak bultzatu gure herriaren benetako bizitza erakusteko.
• Aurrekoekin zerikusia duen beste edozein.